نیوزی لینڈ کرکٹ ٹیم کے سابق کپتان برینڈن میکلم کا کہنا ہے کہ کورونا وائرس کی وجہ سے رواں سال شیڈول ٹی ٹوئنٹی ورلڈ کپ اگلے سال تک موخرکیا جاسکتا ہے جبکہ اکتوبر نومبر میں آئی پی ایل کیلئے ونڈو نکل سکتی ہے۔

ان کا کہنا ہے کہ موجودہ حالات میں ٹی ٹوئنٹی ورلڈ کپ خطرات سے دوچار ہے، میگا ایونٹ کا انعقاد رواں سال ممکن نظرنہیں آرہا۔

میک کلم کا کہنا ہے کہ وہ بند اسٹیڈیمزمیں بھی ورلڈ کپ ہوتا ہوا نہیں دیکھ رہے۔ سولہ ٹیموں، سپورٹ اسٹاف اور براڈ کاسٹرز کو اکٹھا کرنا آسٹریلیا کیلئے مشکل ہوگا۔

ٹی ٹوئنٹی ورلڈ کپ 18 اکتوبرسے 15 نومبرتک شیڈول ہے، آئی سی سی چیف ایگزیکٹیوز کی میٹنگ میں ٹی ٹوئنٹی ورلڈ کپ کو تاحال شیڈول کے مطابق قرار دیا گیا ہے۔

میک کلم کہتے ہیں کہ میگا ایونٹ کو 2021 تک موخر کیا جاسکتا ہے، جس کی بدولت رواں سال آئی پی ایل کے انعقاد کیلئے ونڈو نکل سکتی ہے۔

بھارتی کرکٹ بورڈ نے 29 مارچ سے شیڈول آئی پی ایل کوغیرمعینہ مدت تک کیلئے ملتوی کردیا تھا۔